आइएसओ सर्टिफाइड लुम्बिनी एकेडेमीक कलेजको स्वागत एवं विदाई कार्यक्रम सम्पन्न

समाचार

काठमाडौँ । आइएसओ (९००१ : २०१५) बाट सर्टिफाइड लुम्बिनी एकेडेमीक कलेजले नव आगन्तुक विद्यार्थीहरूलाई स्वागत एवं विभिन्न तहका कलेजका विद्यार्थीहरूलाई विदाई कार्यक्रम सम्पन्न गरेको छ। नागपोखरीस्थित अर्नाया बुटिक होटेलमा आयोजित एक कार्यक्रमका बिच कलेजले स्वागत एवं विदाई कार्यक्रम सम्पन्न गरेको हो ।

लुम्बिनी एकेडेमीक कलेजका अध्यक्ष लोकेश ढकालको सभापतित्वमा सम्पन्न कार्यक्रममा कलेजका प्रीन्सिपल रविन भट्टराई, प्रवन्ध निर्देशक रविन चन्द्र कोईराला तथा कलेजका विषयगत शिक्षक तथा नवआगन्तुक विद्यार्थी सहित कक्षा १२ तथा स्नातक तह, स्नाकोत्तर तहका विद्यार्थीहरूको समुपस्थिति रहेको थियो ।

कार्यक्रममा कलेजलाई आइएसओ सर्टिफाइडको प्रमाणपत्र नेपाल रियलिस्टिक सोलुसनका प्रमुख कार्यकारी अधिकृत रोशन श्रेष्ठले कलेजका प्रबन्ध निर्देशक रबिन कोईरालालाई प्रदान गर्नुभएको थियो ।

कार्यक्रममा स्वागत मन्तव्य राख्दै लुम्बिनी एकेडेमीक कलेजका प्रमुख रविन भट्टराईले, ‘नव आगन्तुक विद्यार्थीहरूलाई स्वागत गर्दै कलेज आईएसओ सर्टिफाइड भएकोमा सम्पूर्णमा खुसी व्यक्त गर्दै आफुहरूमा थप जिम्मेवारी थपिएको महशुस भएको बताउनुभयो ।’

उहाँले कलेजको उन्नति प्रगति नै हरेक विद्यार्थीको सफलता भएको बताउनुभयो । कलेजमा आउँदै गर्दा र आफ्नो लक्ष्य प्राप्तिका लागि अगाडि बढिरहदाँ कलेजले आफुलाई के दियो र मैले कलेजलाई के दिए त ? भन्ने कुरा विद्यार्थीमा हेक्का रहनु पर्ने भट्टराईले बताउनुभयो ।

त्यस्तै, विद्यार्थीहरूलाई प्रेरणाका कुराहरू प्रस्तुत गर्दै उत्प्रेरक बक्ता प्रमोद हरि गुरागाईले,’विद्यार्थी जीवन पुनः फर्केर नआउने भएकोले आफुलाई म को हुँ भनेर चिन्न हरेक व्यक्तिले आवश्यक रहेको बताउनुभयो ।’

त्यस्तै, कार्यक्रममा प्लस टु कोअडिनेटर रविन्द्र पाख्रिनले नव आगन्तुक विद्यार्थीहरूलाई कलेजको बारेमा जानकारी दिदै कलेजमा पालना गर्नुपर्ने निति नियमहरूका बारेमा जानकारी गराउनुभयो ।

विभिन्न सांगीतिक कार्यक्रमहरूले भरपुर मनोरञ्जन गराइएको कार्यक्रममा गायक महेश काफ्लेको लाइभ प्रस्तुति रहेको थियो भने, कार्यक्रममा कलेजका विद्यार्थीहरूले विभिन्न सांगीतिक नृत्य सहितको प्रस्तुति दर्शाएका थिए ।

कार्यक्रमको अन्त्य गर्दै लुम्बिनी एकेडेमीक कलेजका अध्यक्ष लोकेश ढकालले, ‘कलेजको सफलता सँगसँगै नयाँ सदस्यहरूलाई शुभकामना तथा बधाइ ज्ञापन गर्दै शैक्षिक थलोको हामीले सधैं सम्मान गर्नुपर्ने बताउनुभयो ।’

उहाँले, आइएओ सटिफाइड कलेजका रूपमा लुम्बिनी एकेडेमीक कलेज रहेको र यहाँसम्म पुर्याउन विद्यार्थी तथा शिक्षक शिक्षिकाहरूको विशेष भुमिका रहेको बताउनुभयो ।

लुम्बिनी एकेडेमिक कलेजले कक्षा ११/१२ तफ म्यानेजमेन्ट, ह्युम्यानिटिज, ल, साइन्स तथा व्याचलर तर्फ बिबिएस्, बिबिएम, बिसिए र मास्टर्स तर्फ एमबिएस लगायतका विषयहरू पठनपाठन गराउँदै आइरहेको छ ।

लुम्बिनी एकेडेमीक कलेज वि.सं २०६३ सालमा स्थापना भई १७औँ बसन्त पार गर्न सफल कलेज हो । कार्यक्रममा करिव १००० जना भन्दा बढि विद्यार्थीहरुको सहभागिता रहेको थियो ।

Leave a Reply

Your email address will not be published. Required fields are marked *