चौतारा साँगाचोकगढी नगरपालिकाद्वारा अनिवार्य र निशुल्क शिक्षा घोषणा

चौतारा । अन्तत लामो प्रयासपछि सिन्धुपाल्चोकको चौतारा साँगाचोकगढी नगरपालिकले अनिवार्य र निशुल्क शिक्षा घोषणा गरेको छ ।
बागमति प्रदेश, सामाजिक विकास मन्त्रालय, शिक्षा विकास निर्देशनालयका महानिर्देशक दीपन्द्र सुवेदीको प्रमुख आथिथ्यतामा आइतबार नगरपालिकाको सभाहलमा आयोजित एक समारोहका बीच चौतारा साँगाचोकगढी नगरपालिकालाई अनिवार्य र निशुल्क शिक्षा कार्यान्वय पालिका घोषणा गरिएको हो ।
यो घोषणासँगै चौतारा साँगाचोकगढी नगरपालिका जिल्लामा नै औपचारिकरुपमा अनिवार्य र निशुल्क शिक्षा घोषणा गर्ने पहिलो स्थानीयतह बनेको छ ।
चौतारा साँगाचोकगढीभित्र ३४ जना बालबालिकाहरु विद्यालय पहुँच बाहिर रहेकोमा ती बालबालिकालाई पनि विद्यालयमा जोड्दै सबै मापदण्डहरु पुरा गर्दै अनिवार्य र निशुल्क शिक्षा कार्यान्वयन गर्ने पालिका घोषणा गरिएको नगरप्रमुख कृष्णप्रसाद सापकोटाले बताउनुभयो ।
समारोहलाई सम्वोधन गर्दै महानिर्देशक सुवेदीले अनिवार्य र निशुल्क शिक्षाको निरत्तरताका लागि बागमति प्रदेश सरकार सामाजिक विकास मन्त्रालय, शिक्षा विकास निर्देशनालय सधैं प्रतिवद्ध रहेको बताउनुभयो । उहाँले अनिवार्य र निशुल्क शिक्षासँगै अब पालिकाले हरेक वडामा बाल उद्यान निर्माण, बालमैत्री पालिका घोषणाका लागि पनि पहल लिन नगरपालिकालाई आग्रह भयो ।
चौतारा साँगाचोकगढी नगरपालिकका मेयर कृष्णप्रसाद सापकोटाको अध्यक्षतामा भएको कार्यक्रममा सहायक प्रमुख जिल्ला अधिकारी जीतबहादुर भण्डारी, शिक्षा समन्वय विकास समितिका प्रमुख कृष्णप्रसाद सुवेदी, नेपाल पत्रकार महासंघका अध्यक्ष जीवन श्रेष्ठ, चौतारा अस्पताल व्यवस्थापन समितिका अध्यक्ष टंक कार्की, चौतारा क्याम्पसका प्रमुख नगेन्द्रप्रसाद दंगाल, वडा न १३ का वडा अध्यक्ष रामप्रसाद गौतम, वडा न ५ का वडा अध्यक्ष शिव श्रेष्ठ, ज्ञानमन्दिर नमुना मावि, मेल्चौरका विद्यालय व्यवस्थापन समितिक अध्यक्ष रामकृष्ण दंगाल, कालिदेवी मावि बतासेका विव्यस अध्यक्ष यज्ञ सापकोटा, शिक्षक बद्री नेपाल लगायतका वक्ताहरुले अनिवार्य र निशुल्क शिक्षा घोषणालाई स्वागत गर्दै निरन्तरताका लागि आफूहरु कटिवद्ध रहेको बताउनुभयो ।।

  • Related Posts

    पोलियो रोग उन्मुलनका लागि सिन्धुपाल्चोकमा अभियान थालियो

    पोलियो रोग उन्मुलनका लागि सिन्धुपाल्चोकमा अभियान थालियो सिन्धुपालचोक । सिन्धुपाल्चोकमा पोलियो विरुद्धको खोप अभियान आइतबारबाट सुरु भएको छ । जिल्लाभर १४ हजार ९ सय १२ जना बालबालिकालाई पोलियो रोग विरुद्धको…

    विपद्मा सतर्क रहन फाउण्डेसनको ध्यानाकर्षण

    सिन्धुपाल्चोकमदन भण्डारी फाउण्डेसन सिन्धुपाल्चोकले मनसुनजन्य विपद्को पूर्व तयारी तथा सतर्कता अपनाउन ध्यानाकर्षण गराएको छ । आईतवार फउण्डेसनले प्रमुख जिल्ला अधिकारी मार्फत विपद्ग्रस्त जिल्लाको पुर्वतयारीमा लाग्न सबै निकायलाई अनुरोध समेत गराएको…

    Leave a Reply

    Your email address will not be published. Required fields are marked *

    छुट्यो की?

    चौतारामा योग शिविर सुरु

    चौतारामा योग शिविर सुरु

    सुनकोसीले ग¥यो पहिलोपटक सार्वजनिक सुनुवाई

    • By Krishna Parajuli
    • २०८१ जेष्ठ २९, मंगलवार २१:३३ गते
    • 10 views
    सुनकोसीले ग¥यो पहिलोपटक सार्वजनिक सुनुवाई

    मैत्रीपूर्ण फूटवलबैंक तथा वित्तीय संस्था विजयी ३ घण्टा अगाडि बिसौनी

    • By admin
    • २०८१ जेष्ठ २९, मंगलवार २१:२४ गते
    • 8 views

    पोलियो रोग उन्मुलनका लागि सिन्धुपाल्चोकमा अभियान थालियो

    • By admin
    • २०८१ जेष्ठ २९, मंगलवार २१:२२ गते
    • 9 views
    पोलियो रोग उन्मुलनका लागि सिन्धुपाल्चोकमा अभियान थालियो

    विपद्मा सतर्क रहन फाउण्डेसनको ध्यानाकर्षण

    • By admin
    • २०८१ जेष्ठ २९, मंगलवार २१:२० गते
    • 4 views
    विपद्मा सतर्क रहन फाउण्डेसनको ध्यानाकर्षण

    नेपाल पत्रकार महासंघ सिन्धुपाल्चोक उत्कृष्ट शाखाको रुपमा सम्मानित

    • By admin
    • २०८१ जेष्ठ २९, मंगलवार २१:१९ गते
    • 4 views
    नेपाल पत्रकार महासंघ सिन्धुपाल्चोक उत्कृष्ट शाखाको रुपमा सम्मानित