चौतारा साँगाचोकगढी नगरपालिकाद्वारा अनिवार्य र निशुल्क शिक्षा घोषणा

चौतारा । अन्तत लामो प्रयासपछि सिन्धुपाल्चोकको चौतारा साँगाचोकगढी नगरपालिकले अनिवार्य र निशुल्क शिक्षा घोषणा गरेको छ ।
बागमति प्रदेश, सामाजिक विकास मन्त्रालय, शिक्षा विकास निर्देशनालयका महानिर्देशक दीपन्द्र सुवेदीको प्रमुख आथिथ्यतामा आइतबार नगरपालिकाको सभाहलमा आयोजित एक समारोहका बीच चौतारा साँगाचोकगढी नगरपालिकालाई अनिवार्य र निशुल्क शिक्षा कार्यान्वय पालिका घोषणा गरिएको हो ।
यो घोषणासँगै चौतारा साँगाचोकगढी नगरपालिका जिल्लामा नै औपचारिकरुपमा अनिवार्य र निशुल्क शिक्षा घोषणा गर्ने पहिलो स्थानीयतह बनेको छ ।
चौतारा साँगाचोकगढीभित्र ३४ जना बालबालिकाहरु विद्यालय पहुँच बाहिर रहेकोमा ती बालबालिकालाई पनि विद्यालयमा जोड्दै सबै मापदण्डहरु पुरा गर्दै अनिवार्य र निशुल्क शिक्षा कार्यान्वयन गर्ने पालिका घोषणा गरिएको नगरप्रमुख कृष्णप्रसाद सापकोटाले बताउनुभयो ।
समारोहलाई सम्वोधन गर्दै महानिर्देशक सुवेदीले अनिवार्य र निशुल्क शिक्षाको निरत्तरताका लागि बागमति प्रदेश सरकार सामाजिक विकास मन्त्रालय, शिक्षा विकास निर्देशनालय सधैं प्रतिवद्ध रहेको बताउनुभयो । उहाँले अनिवार्य र निशुल्क शिक्षासँगै अब पालिकाले हरेक वडामा बाल उद्यान निर्माण, बालमैत्री पालिका घोषणाका लागि पनि पहल लिन नगरपालिकालाई आग्रह भयो ।
चौतारा साँगाचोकगढी नगरपालिकका मेयर कृष्णप्रसाद सापकोटाको अध्यक्षतामा भएको कार्यक्रममा सहायक प्रमुख जिल्ला अधिकारी जीतबहादुर भण्डारी, शिक्षा समन्वय विकास समितिका प्रमुख कृष्णप्रसाद सुवेदी, नेपाल पत्रकार महासंघका अध्यक्ष जीवन श्रेष्ठ, चौतारा अस्पताल व्यवस्थापन समितिका अध्यक्ष टंक कार्की, चौतारा क्याम्पसका प्रमुख नगेन्द्रप्रसाद दंगाल, वडा न १३ का वडा अध्यक्ष रामप्रसाद गौतम, वडा न ५ का वडा अध्यक्ष शिव श्रेष्ठ, ज्ञानमन्दिर नमुना मावि, मेल्चौरका विद्यालय व्यवस्थापन समितिक अध्यक्ष रामकृष्ण दंगाल, कालिदेवी मावि बतासेका विव्यस अध्यक्ष यज्ञ सापकोटा, शिक्षक बद्री नेपाल लगायतका वक्ताहरुले अनिवार्य र निशुल्क शिक्षा घोषणालाई स्वागत गर्दै निरन्तरताका लागि आफूहरु कटिवद्ध रहेको बताउनुभयो ।।

  • Related Posts

    बाढीपहिरो पीडित सिन्धुवासीलाई एनआरएन चीनको राहत

    सिन्धुपाल्चोक । गैह्र आवासिय नेपाली संघ राष्ट्रिय समन्वय परिषद् चीनले सिन्धुपाल्चोकका बाढीपहिरो पीडितलाई राहत सामाग्री वितरण गरेको छ । शनिबार बलेफी गाउँपालिका वडा नंम्वर २ अर्चले र जुगल गाउँपालिका वडा…

    नागरिक स्तरमा आशा लघुवित्त इन्द्रावती शाखाको ‘वित्तीय साक्षरता’ कार्यक्रम

    सिन्धुपाल्चोक । आशा लघुवित्त वित्तीय संस्था लिमिटेड इन्द्रावती शाखाले नागरिक स्तरमा ‘वित्तीय साक्षरता’ कार्यक्रम सम्पन्न गरेको छ । बुधवार शाखाको कार्यालय फट्केश्वरमा एक कार्यक्रमबीच ‘वित्तीय साक्षरता’ कार्यक्रम सम्पन्न गरेको हो…

    Leave a Reply

    Your email address will not be published. Required fields are marked *

    छुट्यो की?

    सोमबारबाट गुम्वामा यातायात संचालन हुने

    सोमबारबाट गुम्वामा यातायात संचालन हुने

    तातोपानी नाका सञ्चालनमा ल्याउन सिन्धु एमालेको पहल 

    तातोपानी नाका सञ्चालनमा ल्याउन सिन्धु एमालेको पहल 

    ब्बाँसे पुग्यो बस

    ब्बाँसे पुग्यो बस

    बाढीपहिरो पीडित सिन्धुवासीलाई एनआरएन चीनको राहत

    बाढीपहिरो पीडित सिन्धुवासीलाई एनआरएन चीनको राहत

    कन्टेनरहरु दशैं अगाबै ल्याउन आवागमन सहज जरुरी !

    कन्टेनरहरु दशैं अगाबै ल्याउन आवागमन सहज जरुरी !

    नागरिक स्तरमा आशा लघुवित्त इन्द्रावती शाखाको ‘वित्तीय साक्षरता’ कार्यक्रम

    नागरिक स्तरमा आशा लघुवित्त इन्द्रावती शाखाको ‘वित्तीय साक्षरता’ कार्यक्रम