admin
बिदुर आचार्य,
चौतारा, फागुन १९ गते ।
सिन्धुपाल्चोक जिल्लालाई गाई–भैसी जोन बनाईने भएको छ । प्रधानमन्त्री कृषि आधुनिकिकरण परियोजना सञ्चालन समन्वय समितिले बुधबार जिल्लालाई दुध र आलु पकेट क्षेत्र रहेको निष्कर्ष सहित कृषि तथा पशुको उत्पादन तथा प्रवद्र्धन गर्न ‘जोन’ घोषणा गरी टेक्निकल गाईडलाईन निर्माण गर्न समितिले माथिल्लो तहमा सिफारिस गरेको हो । यस अधि जिल्लालाई मकै पकेट क्षेत्र घोषणा गरी कार्यक्रम कार्यान्वयन गरिएको प्रधानमन्त्री कृषि आधुकिकिकरण परियोजना कार्यान्वयन इकाईले जनाएको छ ।
समितिले मकै पकेट क्षेत्रलाई थप प्रवद्र्धन गर्दै दुध र आलु उत्पादनका लागि थप कार्याक्रम लागु गर्ने र त्यसपछि कफी, मासु र माछा उत्पादनका कार्याक्रम क्रमश लागु गर्न सहमति जनाएको छ । जिल्लाको मेलम्ची नगरपालिकामा मकैको दाना उत्पादन कम्पनी निर्माण सुरु भएको र स्थानीय तहमा सानो पकेट क्षेत्र कार्याक्रमबाट कसषिका अनेकन सुधार कार्यले दुध तथा आलु उत्पादनमा नतिजा देखिने समन्वय समितिका सदस्यहरुले जनाएका छन् । किसानले प्रत्यक्ष र नियमित आम्दानी गर्ने दुध ब्यवसायलाई प्रवद्र्धन गरिनु आवश्यक रहेको चौतारा साँगाचोकगढी नगरपालिकाले जनाएको छ
जिल्लाबाट बार्षिक ९८ करोडको दुध निर्यात हुने आँकलन गरिएको छ । जिल्लालाई गाई–भैसी जो रुपमा दर्ज गराएपछि उत्पादनमा थप बृद्धि गरी दुधजन्य परिकार उत्पादनका कार्यक्रम सुरु गरिने इकाईका प्रमुखले जानकारि दिनुभयो । मकै उत्पादनले वीउ, च्याख्ला, पीठो, दाना र खोस्टाको चकटी, झोला, टोपीलगायतका सामाग्रीले राम्रो बजार पाएको औल्याउँदै दुध उत्पादनमा एकीकृत योजना अनुसारकै प्रतिफल प्राप्त हुने मेलम्ची नगरपालिकाले जनाएको छ ।
‘दुध उत्पादनले जैविक संरक्षण पनि हुनेछ’– मकै जोन सञ्चालन समन्वय समितिका संयोजक जीवन थापाले भन्नुभयो, ‘मकैबाट घाँस तथा दाना उत्पादन हुन्छ, गाई–भैसीलाई घाँस दाना पुग्छ र गोवरबाट मकै लगायतका बाली उत्पादनमा सहयोग पुग्छ ।’ भीरालो क्षेत्रलाई आधुनिकिकरण गरी मकै, आलु, कफी, तरकारी, धान, गहुँ, अदुवा, बेसारलगायतका कृषि उत्पादनमा परियोजना सञ्चालन हुने इकाई प्रमुख पौडेल बताउनुहुन्छ ।
‘जोनकै रुपमा बिकास गरिसकेपछि थप अनुसन्धान र प्राविधिक निर्देशन निर्माण गरीने छ’– परियोजनाले जनाएको छ । वीउ उत्पादन प्रमाणीकरण र स्रोत वीउ उत्पादनका काम गरिरहेको इकाईले वातावरण अनुकुल उत्पादनमा जोड दिँदा खाद्यन्नको ‘होल साईकल सर्कुलेट’ हुने जनाएको छ । मकै पकेट क्षेत्रकोरुपमा परिचित जिल्लालाई तत्काल गाई–भैसी, आलु सँगै क्रमश छ वटा क्षेत्रमा काम गर्ने केन्द्र नीति रहेको कार्यालयले जनाएको छ ।
निशान परियार
