निशान परियार
चौतारा सिन्धुपाल्चोक।
सिन्धुपाल्चोक सुनकोशी गाउँपालिकामा स्थानीय शासन कार्यसम्पादन मूल्याङ्कन प्रणाली सम्बन्धी एकदिने अभिमुखीकरण कार्यक्रम सम्पन्न भएको छ। गाउँपालिकाको आयोजनामा सञ्चालन गरिएको उक्त कार्यक्रमले स्थानीय तहको कार्यसम्पादनलाई अझ प्रभावकारी, पारदर्शी र जवाफदेही बनाउने उद्देश्य लिएको जनाएको छ।
कार्यक्रमको अध्यक्षता गाउँपालिका अध्यक्ष टपिन्द्रप्रसाद तिमल्सिना ले गर्नुभएको थियो। अध्यक्ष तिमल्सिनाले स्थानीय शासन प्रणालीलाई सुदृढ बनाउन यस्ता कार्यक्रमहरूको महत्वपूर्ण भूमिका रहने उल्लेख गर्दै सहभागीहरूलाई प्राप्त ज्ञानलाई व्यवहारमा लागू गर्न आग्रह गर्नुभयो।कार्यक्रममा प्रमुख प्रशासकीय अधिकृत हरेन्द्र चौधरी ,वडा अध्यक्ष, वडा सचिव, गाउँपालिकाका सम्पूर्ण शाखा प्रमुख, संघसंस्थाका प्रतिनिधिहरू लगायत सरोकारवाला निकायका व्यक्तिहरूको उल्लेखनीय उपस्थिति रहेको थियो। अभिमुखीकरणका क्रममा स्थानीय शासन कार्यसम्पादन मूल्याङ्कन प्रणालीका सूचक, मूल्याङ्कन प्रक्रिया तथा यसको प्रभावकारी कार्यान्वयनका विभिन्न पक्षहरूबारे विस्तृत जानकारी प्रदान गरिएको थियो।
उहाँले स्थानीय तहको सेवा प्रवाहलाई गुणस्तरीय, उत्तरदायी र परिणाममुखी बनाउन कार्यसम्पादन मूल्याङ्कन प्रणाली प्रभावकारी उपकरण बन्न सक्ने धारणा राख्नुभयो। साथै, आगामी दिनमा पनि यस्ता क्षमता अभिवृद्धि कार्यक्रमलाई निरन्तरता दिइने जानकारी दिनुभयो।कार्यक्रमप्रति सहभागीहरूले सकारात्मक प्रतिक्रिया जनाउँदै यसले कार्यसम्पादन सुधारमा सहयोग पुग्ने विश्वास व्यक्त गरेका छन्।
। धन्यवाद 🙏
