निशान परियार
सिन्धुपाल्चोक खाडीचौर।
सुनकोशी गाउँपालिका वडा नं. ७ मा पोषणमैत्री स्वास्थ्य संस्था तथा पूर्ण संस्थागत सुत्केरी वडा घोषणा कार्यक्रम भव्य तथा सफलतापूर्वक सम्पन्न भएको आयोजकले जनाएको छ। यस घोषणासँगै वडा नं. ७ जिल्लामै पहिलो पोषणमैत्री तथा पूर्ण संस्थागत सुत्केरी वडा बन्न सफल भएको जानकारी पनि आयोजकले दिएको छ।
कार्यक्रम वडा अध्यक्ष ईश्वर तिमिल्सिनाको अध्यक्षतामा सम्पन्न भएको थियो भने गाउँपालिका अध्यक्ष टपिन्द्र प्रसाद तिमिल्सिना प्रमुख अतिथि रहनुभएको थियो। त्यसैगरी गाउँपालिका उपाध्यक्ष कान्छी लामा र प्रमुख प्रशासकीय अधिकृत हरेन्द्र चौधरी विशेष अतिथिका रूपमा उपस्थित रहनुभएको आयोजकले उल्लेख गरेको छ।
आयोजकका अनुसार कार्यक्रममा वक्ताहरूले पोषणमैत्री स्वास्थ्य सेवाको विस्तार, सुरक्षित तथा संस्थागत सुत्केरी सुनिश्चितता, मातृ तथा नवजात शिशुको मृत्युदर न्यूनीकरण, तथा पोषण सुधारका लागि जनचेतना अभिवृद्धि आवश्यक रहेकोमा जोड दिएका थिए। साथै, स्वास्थ्य सेवा पहुँच र गुणस्तर सुधार गर्न सबै सरोकारवालाहरूबीच सहकार्य अपरिहार्य रहेको कुरा पनि औंल्याइएको थियो।
कार्यक्रममा जनप्रतिनिधि, कर्मचारी, विभिन्न संघ–संस्थाका प्रतिनिधिहरू, स्वास्थ्यकर्मी तथा स्थानीय बासिन्दाहरूको उल्लेखनीय सहभागिता रहेको आयोजकले जनाएको छ। सहभागीहरूको सक्रिय उपस्थितिले कार्यक्रमलाई थप प्रभावकारी र उपलब्धिमूलक बनाएको बताइएको छ।
उक्त घोषणा केवल औपचारिकता नभई समुदायमा स्वास्थ्यप्रति सचेतना अभिवृद्धि गर्ने र पोषणमैत्री अभ्यासलाई दीगो रूपमा अघि बढाउने महत्वपूर्ण कदम भएको आयोजकको भनाइ छ। स्वस्थ आमा, स्वस्थ शिशु र समृद्ध समाज निर्माणतर्फ यो उपलब्धि साझा प्रतिबद्धताको प्रतीकका रूपमा रहेको समेत जनाइएको छ।
कार्यक्रमका क्रममा स्वास्थ्य क्षेत्रको सुदृढीकरणमा योगदान पुर्याउने स्वास्थ्य चौकीका कर्मचारी, विद्यालय नर्स तथा वडा कार्यालयका प्रतिनिधिहरूलाई विशेष सम्मानसमेत गरिएको थियो। उनीहरूको निरन्तर मेहनत, सेवाभाव र समुदायप्रतिको समर्पणको कदर गर्दै सम्मान गरिएको आयोजकले जनाएको छ।
उक्त घोषणा केवल औपचारिकता नभई समुदायमा स्वास्थ्यप्रति सचेतना अभिवृद्धि गर्ने, पोषणमैत्री अभ्यासलाई दीगो रूपमा अघि बढाउने तथा संस्थागत सुत्केरीलाई व्यवहारमै लागू गराउने महत्वपूर्ण कदम भएको आयोजकको भनाइ छ। स्वस्थ आमा, स्वस्थ शिशु र समृद्ध समाज निर्माणतर्फ यो उपलब्धि साझा प्रतिबद्धताको प्रतीकका रूपमा स्थापित भएको छ।
