निशान परियार
चौतारा सिन्धुपाल्चोक।
ने.क.पा (एमाले) ले सिन्धुपाल्चोक क्षेत्र नं. १ अन्तर्गत बजार क्षेत्रमा सञ्चालन गरेको मतदाता भेटघाट तथा घरदैलो अभियान भव्य रूपमा सम्पन्न भएको छ। हजारौं स्थानीय मतदाताको उत्साहजनक सहभागिताले बजार क्षेत्र चुनावी माहोलले गुञ्जायमान बनेको थियो।कार्यक्रममा सहभागी स्थानीय बासिन्दाहरूले पार्टीका नेताहरूलाई फूलमाला तथा खादा लगाएर स्वागत गरेका थिए। घरदैलो अभियानका क्रममा नेताहरूले प्रत्येक टोल तथा घरपरिवारसम्म पुगेर आगामी निर्वाचनमा सहयोग तथा समर्थनको अपिल गरेका थिए।
अभियानमा सिन्धुपाल्चोकका लोकप्रिय नेता अमृत कुमार बोहरा, पूर्वमन्त्री अरुण कुमार नेपाल, निर्वाचन परिचालन कमिटीका क्षेत्रीय संयोजक कमल नेपाल, प्रदेश कमिटी सदस्यहरू, जिल्ला कमिटीका पदाधिकारीहरू तथा ठूलो संख्यामा नेता–कार्यकर्ताहरूको उल्लेखनीय उपस्थिति रहेको थियो।पूर्वमन्त्री अरुण कुमार नेपाल ले सम्बोधन गर्दै जनताको उत्साहले एमालेप्रति बढ्दो विश्वास झल्किएको बताए। “जनताले विकास, स्थायित्व र सुशासनको पक्षमा स्पष्ट मत बनाइसक्नुभएको छ। यो उत्साहले हाम्रो जित सुनिश्चित भएको संकेत गर्छ,” उनले भने
लोकप्रिय नेता अमृत कुमार बोहरा ले विगतमा जिल्लामा सम्पन्न गरिएका विकास आयोजनाहरूको स्मरण गर्दै आगामी दिनमा थप पूर्वाधार विकास, रोजगारी सिर्जना तथा सामाजिक सुरक्षाका कार्यक्रमहरूलाई प्राथमिकतामा राखिने प्रतिबद्धता व्यक्त गरे। “सिन्धुपाल्चोकको समग्र विकासका लागि एमाले सधैं अग्रसर रहँदै आएको छ र आगामी दिनमा पनि यही संकल्पका साथ अघि बढ्नेछ,” उनले जोड दिए।निर्वाचन परिचालन कमिटीका क्षेत्रीय संयोजक कमल नेपाल ले संगठनात्मक एकता र कार्यकर्ताको सक्रियता नै विजयको आधार भएको बताए। उनले भने, “हामी घर–घरमा पुगेका छौं, जनताको कुरा सुनेका छौं, र जनताको अपेक्षा पूरा गर्ने स्पष्ट योजनासहित अघि बढेका छौं।”
कार्यक्रममा स्थानीय नागरिकहरूले सडक, शिक्षा, स्वास्थ्य, खानेपानी तथा कृषि क्षेत्रको विकासलाई प्राथमिकता दिनुपर्ने धारणा राखेका थिए। नेताहरूले ती सबै मागलाई आगामी कार्ययोजनामा समेटिने विश्वास दिलाएका थिए।घरदैलो अभियानका क्रममा बजार क्षेत्रका विभिन्न टोलहरूमा व्यापक जनसहभागिता देखिएको थियो। युवादेखि ज्येष्ठ नागरिकसम्मको सहभागिताले चुनावी अभियानलाई थप ऊर्जाशील बनाएको आयोजकहरूले बताएका छन्।एमालेका नेताहरूका अनुसार यसपटकको निर्वाचनमा क्षेत्र नं. १ मा पार्टीको जित “निश्चित” जस्तै रहेको दाबी गरिएको छ। जनताको साथ र समर्थनले पार्टी थप उत्साहित भएको नेताहरूले बताएका छन्।
यसरी उत्साहजनक सहभागिता र व्यापक समर्थनसहित सम्पन्न भएको घरदैलो अभियानले सिन्धुपाल्चोक–१ मा एमालेको चुनावी अभियानलाई थप मजबुत बनाएको देखिएको छ।
धन्यवाद 🙏
