सुनकोशी जलविद्युत आयोजनाको रोयल्टी बाँडफाँटबारे छलफल तथा अन्तरक्रिया कार्यक्रम सम्पन्न

चौतारा सिन्धुपाल्चोक।

काठमाडौँ स्थित राष्ट्रिय प्राकृतिक स्रोत तथा वित्त आयोगको आयोजनामा सुनकोशी जलविद्युत आयोजनासँग सम्बन्धित रोयल्टी तथा त्यसको बाँडफाँट प्रक्रियाबारे एक महत्त्वपूर्ण छलफल तथा अन्तरक्रिया कार्यक्रम सम्पन्न भएको छ। कार्यक्रम सुनकोशी गाउँपालिकाको सभा हलमा आयोजना गरिएको थियो।

गाउँपालिकाका अध्यक्ष टपिन्द्रप्रसाद तिमल्सिनाको अध्यक्षतामा सम्पन्न उक्त कार्यक्रममा आयोगका सहसचिव होमनाथ पौडेल, उपसचिव विश्वरुप दाहाल, आयोगका जियोलोजिस्ट प्रमोद सिखंडा, लेखा अधिकृत विपुल भुसाल, नायब सुब्बा सरस्वती पोखरेल तथा शाखा अधिकृत सावित्री पन्त लगायतका उच्च पदस्थ अधिकारीहरूको उपस्थिति रहेको थियो। साथै, सुनकोशी गाउँपालिकाका प्रमुख प्रशासकीय अधिकृत हरेन्द्र चौधरी, विभिन्न वडाका अध्यक्षहरू, गाउँपालिकाका कर्मचारी, शिक्षक प्रतिनिधि तथा सञ्चारकर्मीहरूको समेत सक्रिय सहभागिता देखिएको थियो।

गाउँपालिकाका अध्यक्ष टपिन्द्रप्रसाद तिमल्सिनाको अध्यक्षतामा सम्पन्न उक्त कार्यक्रममा आयोगका सहसचिव नाथ पौडेल, उपसचिव विश्वरुप दाहाल, आयोगका जियोलोजिस्ट प्रमोद सिखंडा, लेखा अधिकृत विपुल भुसाल, नायब सुब्बा सरस्वती पोखरेल तथा शाखा अधिकृत सावित्री पन्त लगायतका उच्च पदस्थ अधिकारीहरूको उपस्थिति रहेको थियो। साथै, सुनकोशी गाउँपालिकाका प्रमुख प्रशासकीय अधिकृत हरेन्द्र चौधरी, विभिन्न वडाका अध्यक्षहरू, गाउँपालिकाका कर्मचारी, शिक्षक प्रतिनिधि तथा सञ्चारकर्मीहरूको समेत सक्रिय सहभागिता देखिएको थियो

कार्यक्रममा मुख्यतः जलविद्युतबाट प्राप्त हुने रोयल्टीको बाँडफाँट, त्यसको प्रभावकारी उपयोग र स्थानीय तहमा विकासका सम्भावनाबारे विस्तृत छलफल गरिएको थियो। सहभागीहरूले रोयल्टी वितरण प्रक्रियालाई पारदर्शी, न्यायोचित र स्थानीय आवश्यकता अनुरूप बनाउनुपर्नेमा जोड दिएका थिए।छलफलका क्रममा विद्युतीय उत्पादनबाट प्राप्त हुने आम्दानीलाई शिक्षा, स्वास्थ्य, पूर्वाधार विकास, वातावरण संरक्षण तथा स्थानीय रोजगारी सिर्जना जस्ता क्षेत्रमा प्राथमिकताका साथ उपयोग गर्नुपर्ने सुझावहरू प्रस्तुत गरिएका थिए। वक्ताहरूले रोयल्टी रकमको दीगो तथा परिणाममुखी उपयोगमार्फत स्थानीय तहको आर्थिक समृद्धि सम्भव हुने धारणा व्यक्त गरेका थिए।

कार्यक्रममा आयोगका पदाधिकारीहरूले रोयल्टी बाँडफाँट सम्बन्धी कानुनी व्यवस्था, वर्तमान अभ्यास तथा सुधारका सम्भावित उपायहरूबारे जानकारी गराएका थिए। उनीहरूले स्थानीय तहसँग समन्वय गर्दै रोयल्टी व्यवस्थापनलाई थप प्रभावकारी बनाउने प्रतिबद्धता पनि जनाएका थिए।कार्यक्रमको अन्त्यमा अध्यक्ष टपिन्द्रप्रसाद तिमल्सिनाले समापन मन्तव्य दिँदै यस्तो प्रकारको अन्तरक्रियाले स्थानीय सरकार र केन्द्रिय निकायबीच सहकार्य मजबुत बनाउने विश्वास व्यक्त गर्नुभयो। उहाँले रोयल्टीको सही व्यवस्थापनमार्फत सुनकोशी क्षेत्रको समग्र विकासमा टेवा पुग्ने अपेक्षा व्यक्त गर्नुभयो।