निशान परियार२०८२/०९/२० सिन्धुपाल्चोक — उद्योग तथा वाणिज्य कार्यालय, सिन्धुपाल्चोकको आयोजनामा बलेफी गाउँपालिका–६ मा मकैको खोस्टाबाट घरायसी सामान बनाउने तालिमको शुभारम्भ गरिएको छ। स्थानीय स्रोतसाधनको उपयोग गर्दै सीप विकास र आत्मनिर्भरता अभिवृद्धि गर्ने उद्देश्यले तालिम सञ्चालन गरिएको हो।कार्यक्रम उद्योग तथा वाणिज्य कार्यालय सिन्धुपाल्चोकका कार्यालय प्रमुख त्रिपुरारी बख्रेलको अध्यक्षतामा सम्पन्न भएको थियो। कार्यक्रममा बलेफी गाउँपालिका–६ का वडा अध्यक्ष तेजबहादुर पराजुली को प्रमुख अतिथिका रूपमा उपस्थित रहनुभएको थियो भने पत्रकार विदुर आचार्यले सहजीकरण गर्नुभएको थियो।तालिममार्फत सहभागीहरूलाई मकैको खोस्टा जस्ता स्थानीय कच्चा पदार्थ प्रयोग गरी विभिन्न घरायसी सामग्री निर्माण गर्ने व्यावहारिक सीप प्रदान गरिने बताइएको छ। यसले स्थानीय स्तरमै रोजगारी सिर्जना हुनुका साथै आयआर्जनका अवसर विस्तार हुने अपेक्षा गरिएको छ।कार्यक्रम सफलतापूर्वक सम्पन्न गर्न सहयोग पुर्याउने वडा कार्यालयलगायत सम्पूर्ण सरोकारवाला निकायप्रति आयोजकले विशेष धन्यवाद व्यक्त गरेका छन्।
