निशान परियार
सिन्धुपाल्चोक । आशा लघुवित्त वित्तीय संस्था लिमिटेड इन्द्रावती शाखाले नागरिक स्तरमा ‘वित्तीय साक्षरता’ कार्यक्रम सम्पन्न गरेको छ ।
बुधवार शाखाको कार्यालय फट्केश्वरमा एक कार्यक्रमबीच ‘वित्तीय साक्षरता’ कार्यक्रम सम्पन्न गरेको हो ।
उक्त अवसरमा लघुवित्तका सदस्यहरूमा वित्तीय साक्षरता कार्यक्रमको उपदेयता र उद्देश्यका बारेमा जानकारी प्रदान गराइएको थियो।
कार्यक्रममा मेलम्ची नगरपालिकाकी उपप्रमुख उमा प्रधानले वित्तीय साक्षरता हरेक नागरिकहरूमा हुनुपर्ने बताउनुभयो । लघुवित्तले नागरिकहरूमा निराशा नभई आशा जगाएको उहाँको भनाइ थियो ।
कार्यक्रममा आशा लघुवित्त वित्तीय संस्था लिमिटेडका अध्यक्ष विष्णुमणि गौतम,मेलम्ची नगरपालिका वडा नम्बर १३ का वडा सदस्य उद्धव ढुङ्गाना,लघुवित्तका प्रमुख कार्यकारी अधिकृत बद्रीप्रसाद दुलाल र विभागीय प्रमुखलगायतको उपस्थिति रहेको थियो ।
कार्यक्रममा स्वागत मन्तव्य शाखाका प्रमुख शङ्करनाथ कट्टेलले राख्नुभएको थियो ।
